الأستاذ... محمد عبدالحميد السيد.. يكتب..ابعد عن الندل .
ابعد عن الندل
يا صاحبي اسمع كلامي
وسيبك
من اللي غدر بيك وباعك
دور على صاحب واحد بس
يكون جدع
انت فرحان بكتر أتباعك ؟؟
الدنيا لو في يوم غدرت بيك
تلاقيه واقف في ظهرك
سندك ودراعك
اتعلم من تجاربك
وخليك فاكر دايما اللي
اتسبب يوم في أوجاعك
افهم كلامي بقى يا صاحبي
فوق بقى وأصحى قبل ضياعك
الصاحب الجدع سند حقيقي
عمره ما يفكر يوم في خداعك
اسمع كلامي ومتصاحبش ندل
النداله مش من صفاتك
ولا من طباعك
ابعد عن الخسيس وخليه بعيد عنك
اسمع نصيحتي
وابعد عن صداعك
عيش حياتك بطولها وعرضها
بس خليك فاهم الندل عمره
ما كان بتاعك
صاحب راجل يحمي ظهرك
ويشتريك لو اللي منك
في يوم غدر بيك أو باعك
الصاحب الجدع عمله نادرة
يفديك بنفسه وهتلاقيه
شبهك في أخلاقك وطباعك
أنا نصحتك يا صاحبي
وانت خليك عارف وفاهم
مين اشتراك ومين باعك
بقلمي محمد عبد الحميد السيد
جمهورية مصر العربية
تعليقات
إرسال تعليق