الأستاذ.. علي عبدالرحيم محمد.. يكتب....غنوتي.
غنوتي
٠٠٠٠٠٠
غنوه وموال ف روحك بتتقال
اشواق وامال وعشق حلال
وف بلاد همسك مجنون ورحال
يا غنوتي جاوبي دقتي ردي السؤال
يا غنوتي انا ليه عطشان
يابنت نبضي
يا ساكنه قلبي
يا ساجنه حسي
ف بحر حياتك
مركبتي فين هاترسي
على بر أمنياتك
ولا ف حيرة يأسي
فين هاترسي يا ساكنه قلبي
فين هاترسي يا ساجنه حسي
قولي يا كل حروف الحنان
يا غنوتي انا ليه عطشان
محتار وشارب الحيره انهار
محتار واحتار معايا السؤال
حتى ف العتاب غنوه وموال
حتى ف العذاب غنوه وموال
حتى مع الاحباب حيره وسؤال
انا ليه عطشان عطشان
ومن جبينك نازله الامطار
يا غنوتي انا ليه عطشان
غنوتي اتكتبت فيك
وقالت عاشقه لياليك
وسكتي شايفها ف عنيك
بتشرب الحنان وتسقيك
يا تحضن قلبي و تقربني ليك
يا تبعدني وتبعد وتنده الموال
وتبكي الغنوه ويتوه الرحال
بين السحاب والغيوم والانهار
يدور على مطر وضليلة شجر
وبحور حب وحنان وبر امان
غنوه وموال ف روحك بتتقال
اشواق وامال وعشق حلال
يا غنوتي جاوبي السؤال
انا ليه عطشان عطشان
ومن جبينك نازله الامطار
يا غنوتي عطشان عطشان
غنوتي
بقلم على عبدالرحيم محمد
تعليقات
إرسال تعليق