الشاعر.. عبدالكبير محمد احمد.. يكتب... مين هيلومك.
👄👁مين هيلومك👁👄
**************
آسي وظالم ليه من يومك
وأما بعاتبك......يكتر لومك
هوا عشان.. طبعي الحنية
عز نهاري.....توري نجومك
................................
بتحمل.وأعوم على عومك
ظلم لحب...بعهده يصونك
ميجيش..طبعك بالمدادية
ولا ود........يعرفني بلونك
...............................
إديت حب يعللي شجونك
وتشوف أملي جوا عيونك
لو كان فيه... احلام وردية
إحلم... وابعد عني ظنونك
................................
حبك هيشيل..كل همومك
يهدى جدالك يروح لومك
حب بقلب..يدوب ملاغية
تلاقي حلمك صالح نومك
................................
الافراح......تتمنى قدومك
قمرك طالع عالية نجومك
رايق البال..والعيشة هنية
حبي وحبك.مين هيلومك
**********************
✍🏻بقلم/عبد الكبير محمد أحمد
جمهورية مصر العربية المنيا
تعليقات
إرسال تعليق