الشاعر.. علي عبدالرحيم محمد.. تكتب... ابن الريف.
ابن الريف
٠٠٠٠٠٠٠٠٠
ابن الريف تاه ف المدينة
كان بيدور على حلمه وفكره
على نبضه اللي مات
على أمنية السكات
على لحظة امل تبعد الأهات
وتداوي كل دقاته العليلة
ابن الريف تاه ف المدينة
ابن الريف العفيف
عند الحرام كفيف
وكان كل مناه يمحي الأه
ويكتب على سطور الحياة
كل حروف المعاني الجميلة
تاه ف شوارع أيامها و تاه
وداق طعم ألامها وداق
تايه وماشي بخطوته الحزينة
ابن الريف تاه ف المدينة
ايه دا اللي بيحصلي
دا مكتوب لي ولا دا مسحور لي
جاوبي يا مدينة الشقى
جيت انا ليه ليه هنا
جاي ف الدنيا انا
عشان اعاني واعاني
واشوف ب عيني انا
ملامح السعادة وهي بيعاني
جاي ف الدنيا انا
عشان احزاني اه وحرماني
ويهجرني الفرح والهنا
وتسكني كل دقة وجعاني
ليه ليه جيت انا
ايه هو دا اللي بيحصلي
ليه كل لحظات حياتي تكسرني
ليه كل آهات أوقاتي بتسجني
ليه كل الأحلام والأماني تخذلني
دا مكتوب لي ولا دا مسحور لي
ولا دا حسد عين ومنظور لي
ايه هو دا اللي بيحصلي
جاوبي يا مدينة الشقى
ليه ليه جيت انا. ليه ليه
ابن الريف
بقلم علي عبدالرحيم محمد
تعليقات
إرسال تعليق