... إتغيرت🌼
الكاتب_ الشاعر أ. رفعت العربي
🍀🍀🍀🍀🍀🍀
إتغيرت الأحوال والدنيا بقى سيطرة،
الندل بقى قدام وإبن الأصول جه ورا،
ومن كتر قلنا وقال حالتنا متأخرة،
والحكم بقى لعيال وحطو الكبير منظرة.
سلم يارب سلم، من شر حقد البشر،
كله على بعضه علم والمستخبي ظهر،
حتى صاحب الزمان للسر باح ماستر ،
يعدي عليك لو كان ليك إتزنق واتجبر.
متزعلش يوم لفقير، ربك وأحكامه،
يمكن دا يوم لو شبع يساويك بخدامه،
وطول ما محتاج ليه ذاكره على لسانه،
ما ربك قادر يغنيه وهو في مكانه.
إللي معاه ربنا من كل خير طايل،
وإللي بعيد عنه، بخته أكيد مايل،
وإللي بيتعالى وعايشها بجمايل،
تشوفه متواضع بأفعاله مش خايل.
إتغيرت الأحوال والدنيا بقى سيطرة،
الندل بقى قدام وإبن الأصول جه ورا،
ومن كتر قلنا وقال حالتنا متأخرة،
والحكم بقى لعيال وحطو الكبير منظرة.
ـــــــــــــــــــــــــــــــــــــــــــــــــــــــــ
بقلم / الشاعر رفعت العربي التميمي
تعليقات
إرسال تعليق