ببعادي يا هنيالك.. بقلم الشاعرة.. إحسان صادق.
** ببعادي يا هنيالك **
ف يوم عاقبته بالبعاد
جه سألني ليه حبيبتي
تبعدي وليه العناد...؟؟
قلتله دوق حبيبي
وإشرب من كأس السهاد
فاكر لما. جيتلك قلتلك
واحشني وأنا شوقي زاد
ونفسي أنول ف عشقك المراد
سبتني ومشيت ولاهمك
ولا كأنك قلتلي إني من دمك
شاركت معاك حزنك وشلت همك
قلبك قدر يقسى وطاوعك
علمتني القسوة ومين سمعك
البعد كان من إختيارك
أنا هأمشي وهأفارق ديارك
عيش بقى ليلك زي نهارك
ولو زارني ف ليلي الحنين
هاسكته وأقوله مالك
خليني ف حالي وخليك ف حالك
دوق بقى اللي عملته دلوقت جالك
روح لغيري وإنسى خيري
يلي كنت ف الهوى عشي و طيري
وبقولها من قلبي يا هنيالك
بقلمي / إحسان صادق
تعليقات
إرسال تعليق