الدكتور.. على مسلم عجمي... يكتب... رسالة شكر وامتنان.

 رسالة شكر و امتنان ..

---------------------------

رسالة مخلصة بأصدق تحية

لكل من كان يتطمَّن عليي

و تمنى لي الشِفا من كل قلبو

و كلامو عطر ورد بمزهرية

صَلُّـوا ناس حتى و ناس طلبو

من الله الشِفا عن طِيب نيّة

مشاعركم نهر وافر مَصبُّـو

بكياني يا نقـا الناس الوفية

شو بقدر قدّموا إلكم حكولي

يا عنوان الشهامة أشرولي

تا عَبِّـر عن مدى شكري و وفائي

و تقديري بكلماتي الخجولة

دُعاكم ساعد كتير بشفائي

دُعا أم و أخت .بيي و رجولة

يا أصحابي و يا أهلي و أصدقائي

يا بلسم خاطري و حلم الطفولة

مني تقبلوا شكري و رجائي

و بخدمتكم أنـا لو تسمحولي

رْجِعِت للقافية و الحرف جلجل

بعد ما عقدة التمريض حلحل

بمذاقو الحلو نظرات الصَبايـا

مَلاها شوق بالدمعات بَلبَل

كِبِرت و بعدني بحس بصِبايا

و فؤادي في هوى الحلوين غَلغل

خْلِقت و الموهبة خِلقت معايا

ببلاغة سِرّها القاموس خَلخل

نشرها عِلِـم في مدن و قرايا

و لِحاضرها صدى التاريخ سَلسل

رْجِعِت للعاطفة قَـدِّم هدايا

بعد ما الجفا قصر الشوق زَلزل

بعد ما القلـم أعلن حِدادو

 جِمِـد داخل شراييني مِدادو

و ساعة ما القلب  جَـدَّد نشاطو

و نَفَّـذ للأطبّا ما أرادو

و بعد ما المرض ليعب إحتياطو

و قبل ما ينتهي من العمر زادو  ب( رسورين ) وَثَّـق إرتباطو

شبابو بكل حيوية استعادو

الشاعر د. علي مسلم عجمي

 لبنان