الأستاذ.. رمضان عبدالله أحمد.. يكتب... أنا وطيفك ..
أنا وطيفك
____________
أنا وطيفك مانمناش
بقالنا يومين
الكلام متكلمناش
كلها نظرات عينين
كنا لبعضنا مشتاقين
والاحلام خدتنا ل فين
قلوبنا سهرت ليلتين
بعدها زاد الحنين
انا وطيفك سرحنا بخيالنا
وعدينا بلاد وبلاد
اتمنينا يطول ليلنا
وتزيد ساعات الوداد
كلامنا كان ألحان
ولالومنا ع الزمان
والنبض كان اشجان
وكرهنا ايام البعاد
رغم طول انتظارنا
لسه الأمل موجود
ولا راح الصبر يخلص
أملنا ف الله معقود
ان الحلم يتحقق
كل الكلام يتصدق
ونور الفجر هايشقشق
يفرح كل الوجود
على شط الغرام قابلته
عينيا جت في عينيه
من نظره وحده سلمته
قلبي اللى دايب فيه
والدنيا رسمت خطاوينا
قالت يلا بينا
نغني اجمل غناوينا
لشوق القلب اللى ماليه
_______
بقلمي /رمضان عبد الله أحمد
تعليقات
إرسال تعليق